![](https://www.awe24.com/wp-content/uploads/2020/04/E7219FD8-C925-44A7-B227-F6AD39A930E8-640x334.jpeg?v=1587837040)
Diasabra mainta a drenta informe di cu tin un persona molestiando clientenan na un botica na Ponton, mesora a dirigi un patruya na e sitio. Na yegada di e patruya a bin compronde cu aki ta trata di e conocido choller F. cu tabata eynan poniendo asina cu clientenan no kier a drenta e botica of ni cu nan kier a baha, pero na e momentonan ey ya caba e choller a cana bay zuid. Polis a bay en busca di dje y a bin encontre banda di e santana. Eynan polis a papia cun’e y a hala su atencion di su malcomportacion y cu si e bolbe haci esaki e lo ser deteni.