Cacho a sali for di su cura y morde un mucha canando riba acera den Palo di Bonchistraat

Diamars anochi a drenta informe di cu un cacho a ataca y morde un mucha canando riba acera den Palo di Boonchistraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda un dama cu a bay haci compras y na nan regreso un cacho a sali for di un cura di cas cu tabata tin su portanan habri y e cacho a core sali y ataca y morde e mucha na su batata di pia banda drechi. Polis a nota cu e mordi ta basta grandi, profundo y tabata sangrando pesey a solicita ambulans cu mas urgencia. Na yegada di e ambulans nan a atende e mucha y a transporte pa hospital. Polis a atende cu e doño di e cacho cu e mester tene su cacho den cura y cu porta sera, ademas a bis’e di cu e mester cubri e gastonan medico.

Nota di redaccion: E gastonan medico ta un pero e susto y dolor hunto cu e victima a pasa aden como tambe e molester y malestar esakinan nunca lo keda compensa. Tur esaki pa falta di responsabilidad di un doño di cacho.

Share:

Leave a Reply

Your email address will not be published.