Anto cu security ta cuida full e mall
Diamars madruga a drenta informe di cu a mira 2 sospechoso bay cu 2 bulto banda di Certified Mega Mall, mesora a dirigi un patruya na e sitio. Na yegada di e patruya no a bin encontra cu ningun hende pero a nota cu e rolluik di Long Island tabata hisa. Polis a localisa e doño pa asina e bin wak su negoshi y wak kiko a ser horta. Ultimo temponan aki na varios ocasion kiebro a ser cometi siendo cu e mall tin security e preguntanan ta awor: Den oranan di madruga cu ta keto keto, e sonido di glas cu ta kibra no ta ser scucha? Ora cu hisa rolluik tampoco ta ser scucha? Ta con por ta posibel?
