Lotto ta extende fecha pa cobra premionan

Pa motibo di e medidanan cu a wordo introduci pa combati COVID-19 na Aruba, Lotto, E Loteria di Aruba, mester a sera e oficinanan principal na Oranjestad y San Nicolas desde 26 di maart. Lotto kier informa tur su hungadonan cu ta extende e dianan pa cobra e premionan aki.

E cantidad di dia lo wordo extende cu e cantidad di dianan cu e oficinanan di Lotto tabata y ta bay ta sera. Ta pidi tur hungadonan pa warda cada ticket bon, kiermen no lag’e den temperatura cayente, no lag’e muha y tampoco no strika e ticket. Asina cu oficina di Lotto ta haya permiso pa habri bek, hungadonan por bay cobra nan premionan.

Lotto, E Loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan Raspa y Gana. Lotto, E Loteria di Aruba ta organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Share:

Leave a Reply

Your email address will not be published.