![](https://www.awe24.com/wp-content/uploads/2020/05/E12BD0DF-20B3-4ECB-91D0-A88E80EE11E7-668x334.jpeg?v=1590547296)
Diamars atarsi a drenta informe di un accidente cu hende herida na Hooiberg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur bayendo direccion Santa Cruz no a regula su velocidad ni a mantene distancia a bay dal tras di un auto cu tabata para pa bay bira na man robez. E impacto tabata fuerte y e chauffeur den e auto mas dilanti a resulta herida. Na yegada di e ambulans nan a atende e victima.