![](https://www.awe24.com/wp-content/uploads/2020/06/00000.01_47_07_14.Still1396-668x334.jpg?v=1592615448)
Diabierna atardi durante patruya na Tanki Leendert polisnan atento di distrito 1 (Oranjestad) a topa cu un auto preto coriendo sin ningun plachi number mesora polis a bay su tras dunando e señal pa para cual e chauffeur no a reacciona riba dje y na su turno a trot bay. Polis a start cu un persecusion. Esaki a tuma direccion zuid pa Oranjestad y despues a drenta Edisonstraat y djey drenta Reaumurstraat unda eynan e chauffeur a hinca e auto den e cura di un cas. Polis a detene e chauffeur y un ocupante ademas a confisca e vehiculo. E vehiculo di transporte a yega y a bay cu e 2 detenidonan direccion na warda. Ta trata aki di e mesun auto cu polis a instrui pa no core cune riba caminda na Shiribana awe mainta.