Diahuebs atardi a drenta informe di un accidente entre un auto y un cyclista riba e rotonde di Pos Abou, mesora a dirigi tanto polis como ambulans pa e sitio. Na yegada di e patruya na e sitio a bin constata cu aki ta trata di un accidente pa falta di preferencia unda un chauffeur di un S.U.V. biniendo for di Tanki Flip a subi e rotonde di Pos ABou sin wak un cyclista riba e rotonde bayendo nort. Ambulans a presenta na e sitio y a duna e cyclista un checkup na e sitio mes y e no tabata desea di bay hospital. Por a nota danjo riba e luz como tambe bumper di e S.U.V. y na e parti patras di e bicicleta. Afortunadamente e accidente aki no tabata uno grave.
