![](https://www.awe24.com/wp-content/uploads/2019/10/CD8390A0-A520-4804-91F8-74870F0E4A22-668x334.jpeg?v=1572300154)
Diamars atardi a drenta informe di un accidente cu hende herida na e rotonde chikito na Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un Nissan Tiida color preto y un brommer. Na e sitio tabata presente dokter Casseres pa asina duna assistencia medico mientras tanto ta warda riba e presencia di ambulans. E manehadora di e Nissan Tiida ta conta polis cu e no a nota cu e brommer ta riba e retonde y cu el a sali for di panoord pa bay zuid y aki e brommer maneha pa un dama lo a dal den e parti dilanti di e Nissan Tiida, hayando sla na su rudia. Ambulance a presenta na e sitio pa asina atende cu e dama y despues a transporte pa hospital pa tratamento medico. Daño material ta minimo.