Diamars atardi a drenta informe di un accidente cu hende herida na e crusada banda di CMB na Palm Beach, mesora a dirigi tabtonpolis como ambulans na e sitio. Na yegada di e patruyanan di Noord y Strand mesora a cuminsa cera e caminda pa evita e trafico tranca. Polis di trafico tambe a presenta pa asina tuma datos di e accidente, y a saca afor cu e Nissan Sentra color blauw tawata bayendo direccion ariba y na dado momento un Toyota Passo (RHD) a sali for di banda pazuid pa bay noord.
E vehiculo aki no a distingi e Nissan Sentra y a sali dilanti dje cu consecuencia cu a accidenta. Daño material ta basta grandi, e chauffeur di e Sentra a keda herida. Mesora a pidi presencia di ambulans pa asina atende cu e persona, y despues a transporte pa hopital.
E dama chauffeur tambe a wordo atendi pa e personal di ambulans door cu e ta sinti dolor door di e impacto. Takelwagen a wordo pidi pa asina kita e Nissan Sentra for di caminda door cu e no por move riba su mesun forsa.
