Francisco Jansen haya sin bida ta drief bay afo
Manera nos a emiti den un informe anterior cu autoridadnan tabata buscando un persona perdi den lama banda di Boca Catalina y cu e curpa a ser encontra ta drief leu ta bay den lama pabao di faro a ser hiba na waf di Oranjestad. E curpa a ser hiba waf pa eynan dokter constata morto y famia reconose nan ser stima kende ta Francisco Jansen naci na Aruba 10 di oktober 1939 y cu tabata biba na Paradera. Na famianan di e fayecido nos ta extende nos mas sincero palabranan di condolencia.
CUERPO POLICIAL TA INFORMA:
Persona masculino a hoga na Boca Catalina
Diamars mainta pa 11:47 central di polis a wordo notifica cu un persona masculino lo mester a drenta lama na Boca Catalina mas o menos 9:30 y nan no a wak e mas. Di biaha central di polis a pone maritiem na altura, na nan turno a saca e boto di polis y tambe a lanta e helicopter di polis pa cuminsa cu e busceda. Pa 1:11 di merdia helicopter ta encontra e curpa sin bida di e persona .
Pa 1:50 dr Texier ta constata morto di F.J. naci na Aruba 10-10-1939 ( 80 aña).
Slachtofferhulp a presenta pa asina guia e famia den e momentonan aki .
Cuerpo Policial ta manda palabra di condolencia na famia di e fayecido.
