Aruba Bank ta sostene Breast Cancer Awareness Month

ORANJESTAD, Aruba – 24 October 2019: Aruba Bank ta sostene Breast Cancer Awareness Month. Tur empleado di Aruba Bank a bisti na roos pa demostra cu nan ta observa e Breast Cancer Awareness Month, cu a cuminsa dia 1 y lo caba otro siman dia 31 di october.

Breast Cancer Awareness Month ta un campaña internacional di salud organisa pa diferente organisacion di cancer na pecho tur luna di october, pa conscientisa riba e enfermedad aki y pa recauda fondo pa investigacion riba su causa, prevencion, diagnostico, tratamento y cura.

E campaña aki tambe ta brinda informacion y sosten na esunnan cu di un manera of otro ta afecta pa cancer na pecho, sea victima of famia di victima. Intencion di e campaña aki ta pa educa riba e importancia di haci testnan tempran.

Y naturalmente Aruba Bank, siendo e banco cu ta carga nomber di nos pais, ta para un rato keto y mustra su sosten incondicional na e causa aki.

Share:

Leave a Reply

Your email address will not be published. Required fields are marked *