Chauffeur bebi a comporta y polis a tene consideracion cun’e!

Diabierna anchi a drenta informe di cu tin un s.u.v. coriendo masha malo mes bayendo pabao na Piedra Plat y a para un rato na Mido Restaurant, polis a yega na e sitio y a topa cu e chauffeur. E chauffeur tabata hopi trankilo y cooperativo cu polis y a admiti di a dal algun drinks y cu e ta bayendo pa su cas. Polis a papia cun’e y a splica e caballero aki e consecuencia di locual cu por pasa y e peliger tanto pa e mes como otro inocentenan. E homber a compronde y a bisa di yama su yiu pa bin buske y hibe cas. Asina mes a acorda y pacificamente a soluciona e caso aki. Entre tanto polis a keda warda e yiu bin busk’e y bay cun’e. E chauffeur a keda masha agradecido cu e polisnan di distrito 4 cu a tene consideracion cun’e y pa splik’e, esey a pone reaccion y a bisa otro biaha e lo no bebe alcohol mes!

Share:

Leave a Reply

Your email address will not be published.