Pueblo a responde ayudo a presenta for di tur skina pa yuda e dama di edad cu a ser saca for di apartamento durante yobida.

Polisnan di barrio di Oranjestad riba nan ora liber a move shelo y tera pa yuda!

Diasabra anochi una bes cu nos a emiti e informe di cu a saca dama di edad for di apartamento y pone tur su pertenencianan riba caya durante yobida reaccionnan a cuminza drenta for di tur skina hendenan a sali bin yuda un dama cu ni conose mes kizas nan no conose pero e momentonan ey e dama aki a bira manera un abuela, mama, tanta of como cualkier otro familiar pa nan y a sali mustra nan nobleza, cariño y amor. Anochi ora e dama a mira cuanto ayudo a bini for di su bisiñanan, polis di barrio, salchtofferhulp, comerciantenan y pueblo di Aruba en general e dama aki a keda gradici E Todopoderoso pa a intercede den e curazonnan di esnan cu sa kiko ta humanidad y hermandad y cu nan a sali haci esaki di buena Fe. Nos di awe24.com tambe ta agradeci na tur pero tur tur tur hende cu a sa di uni pa yuda den e causa aki y tambe cu nos por a haya e oportunidad pa a haci esaki cu mil amor. DANKI!

Share:

Leave a Reply

Your email address will not be published.