Dama a yama polis pa homber doño di tereno cu a kita su papel di keur di coriente di su trailer y a corta e coriente

Dialuna atardi a drenta informe di un problema na Canariestraat na Simeon Antonio, mesora a dirigi un patruya na e sitio. Na yegada di e patruya a bin compornde cu e dama a laga traha un mapa di keur pa un container/woontrailer cu ela cumpra pa pone riba e tereno di e doño di e tereno. Recientemente e homber a pidi e dama pa e mapa di keur pa e hiba esaki Elmar, e dama di buena fe a dun’e esaki. Pero a bin resulta awor cu e homber no kier debolbe e mapa y ademas e homber a desconecta e coriente di e trailer y a pasa esaki na un otro trailer como sifuera poco e homber lo a cambia esaki na su nomber. Na e momentonan ey e homber no tabata eynan pero polis a bisa e dama pa yama polis ora e tey. Polis a haya e number di e homber y a keda di bay yam’e.

Share:

Leave a Reply

Your email address will not be published. Required fields are marked *