Dama a keda atrapa den negoshi sin ventilacion despues cu coriente a bay

Diahuebs atardi a drenta informe di cu tin un dama atrapa den un negoshi cu e rolluiknan sera sin ventilacion di aire, mesora a dirigi un patruya na e sitio. Na yegada di e patruya a bin compronde cu aki ta trata di un dama cu tabata den un negoshi tumando inventario pero e tabata sera paden cu e rolluiknan baha y pa colmo net coriente a bay despues di un mey ora e dama a cuminsa desespera ya cu no tabata tin ventilacion mas den e lugar y e ta ansha den e lugar tur scur. Un persona cu tin e yabi di e lugar pero no por habri e rolluiknan sin coriente. A solicita ayudo di e equipo di rescate di bombero pa asina a logra hisa e rolluik pa a rescata e dama cu aunke a sali tur sofoca no tabata desea atencion di ambulans.

Share:

Leave a Reply

Your email address will not be published.