Ramesh George apunta na cabez di e punto di apoyo di Kustwacht di Caribe na Curaçao

For di 1 di augustus 2020, Ramesh George ta na cabez di e Punto di Apoyo di Kustwacht na Curaçao. Ramesh George no ta desconosi na Kustwacht, ela traha como operador di e flota na kustwacht desde 1997. Despues di esaki ela ocupa varios funcion den e organizacion di Kustwacht. Kustwacht tanto na St. Maarten como na Curaçao, incluso como oficial di espera riba e barco Jaguar, comandante interino P-boat, comandante na e super rhib y pa operacionnan principal na e punto di apoyo Curaçao. Durante su curso di formacion ela pasa varios curso maritimo, ela sigui e formacion di conectornan na Hulanda y tambe HBO Management cual ela logra cu un pasantia na RST (Recherche Samenwerkings Team). Na 2018 y 2020 ela pasa den e buskeda di pilotonan den e KPC. Ademas, ela fungi como cabezante interino durante e periodo 2008-2009 y 2015

Durante e recien ceremonia di instalacion, e director di Kustwacht di e area di Caribe, Peter Jan de Vin, a indica cu e tin confianza cu Ramesh George lo haci un bon trabao pa e punto di apoyo. “Ramesh sa cua ta e blokkinan di construccion ta necesario pa logra exitonan pa kustwacht. Mashá pabien Ramesh George cu bo funcion y hopi suerte. Mi kier a gradici Vernon Augusta, pa su servicionan eherci como cabezante y ta desea e exito den su desafio nobo” Peter Jan de Vin, director di kustwacht di e area di Caribe a declara.
Despues di el discurso di e director di kustwacht, e cabezante nobo a papia cu su equipo, ” Mi a traha cu hopi energia y entusiasmo pa kustwacht durante e ultimo añanan aki. E ultimo 22 añanan tabata añanan educativo den e organización. Awe ta un honor pami ta akinan como cabezante pa boso”; e cabezante nobo na Curaçao, Ramesh George a bisa. Kustwacht ta desea Ramesh Gearge hopi suerte cu su funcion nobo.

Riba e fotonan por mira: Peter Jan de Vin director Coast Guard, Ramesh George cabezante punto di apoyo Curaçao y Frank Boots, futuro director Coast Guard durante e ceremonia.

Share:

Leave a Reply

Your email address will not be published. Required fields are marked *