Lantamento atrobe na Guarda Nos Costa, nan kier a haya atencion di prensa pa expresa nan disgusto

Segun esnan sera na Guarda Nos Costa, consehero di minister di justicia ta esun responsabel pa e abusonan humanitario!

Dialuna mainta un grupo grandi di indocumentadonan teni sera na Guarda Nos Costa a bolbe lanta y a subi dak no pa huy pero pa haya atencion di prensa unda nan a sali bisa con e cosnan ta hinca den otro y un consehero di minister di justicia ta esun cu ta responsabel pa tur e abusonan humanitario cu nan ta pasando aden varios di nan pa mas di 6 luna caba cu nan ta sera.

E situacion ta asina y nan mes a admiti cu den nan tin hendenan cu a bini illegal Aruba y tin otronan cu a drenta Aruba como turista pero intencionalmente a keda atras pa trabao pa un mihor provenir. Den nan tin tambe ex-presonan cu tabata sera despues di a ricibi un of otro sentencia y a caba di sinta nan castigo pero mester ser expulsa. Ademas den nan tin esnan cu a bini Aruba como turista pero pa motibonan di no a haya vuelo no por a regresa. Nan ta conciente di e locual cu nan a haci no ta bon. Pero nan a bisa cu nan no por soporta keda sera mas di e forma ey y cu nan no por ricibi bishita di nan famia y cu esakinan ta afectandonan mentalmente cu torturanan. Nan mes a logra regla yega na varios solucion pa regresa nan pais si gobierno mes percura pa lanchanan buscanan memey di e awanan territorial di ambos pais y nan mes lo percura pa yega Venezuela. Segun un di esnan cu a hiba palabra a presenta e denuncia di cu e consehero Milko Baiz ta esun cu ta ocasionando e abusonan aki tratandonan malo y impidiendo nan salida y descartando tur opcion cu nan a presenta pa nan por ser expulsa for di Aruba.

Prensa presente mester cumpli cu su parti di hiba entre otro e mensahe aki pa e minister di justicia pa asina e accelera e proceso aki lo mas pronto posible. E situacion cu nan ta aden ta inhumano e injusto y pesey por medio di prensa nan ta desea di logra pa nan voz yega na esnan mas ariba y asina diplomaticamente resolve e asunto aki.

Share:

2 thoughts on “Lantamento atrobe na Guarda Nos Costa, nan kier a haya atencion di prensa pa expresa nan disgusto

  1. Poco kk cobarde paso na nan pais nan ta smoel cera anto aki nan kier bira hende kibrando ley
    Nan pais ta sangra y aki ta grita.
    Paso Aruba ta un bon madrastra y mal mama

  2. Pa hasi kíko nn a bin Aruba ??? Ta nos gobierno a invita nn anto ??? Awó : ta kón cño nn kier bin exijí nos gobierno pa juda nn óf laga nn bai ??? Wel gobierno pone tur den un lancha grandi y bai basha nn bek dilanti di e costa di Venezuela meskos kón nn a jega aki via lama ! Asína e otro nn lo siña y nn lo no buska manera pa bin hode nos Isla más !!!

Leave a Reply

Your email address will not be published.