Na Companashi homber usador di droga a maltrata su pareha y a pone baby memey caminda pa auto pasa riba dje!

Dialuna mainta a drenta informe di un caso unda un homber a maltrata un muher y a pone e baby memey caminda den Hubadastraat, mesora a dirigi un patruya na e sitio. Na yegada di e patruya no a encontra cu ningun hende na e sitio ni na e apartamento. Buscando mas informacion a bin logra haya sa cu e dama no a soporta e maltrato y a cana bay zuid. Polis a bay busca rond como conose e pareha aki ya cu nan a yega di bay asistencia caba na e adres ey. Un rato despues e patruya a topa e dama cu 2 mucha y a compronde cu e dama mester a core bay pa no sigui haya maltrato di e agresor un tal G.P. kende ta un usador di droga. Anto e agresor aki a pone e yiu chikito memey caminda expresando pa laga auto pasa riba dje y despues di esaki e homber a cana bay. Polis a busca den e area pero no a topa cu e agresor. Polis a recomenda e dama pa bay recherche pa entrega keho, e dama mes no ta soporta e situacion mas pero na e momentonan ey e no tin ningun hende cu por hib’e ya cu e mes no tin auto.

Share:

Leave a Reply

Your email address will not be published. Required fields are marked *