Polis investigando un caso serio di hincamento den J.G. Emanstraat durante oranan di madruga.

Diadomingo madruga a drenta informe di cu un persona su mes a yega cu herida di un hinca na su curpa y den un situacion serio na hospital, mesora a informa polis cu a presenta na hospital pa asina cuminza investiga kiko lo a pasa. Na yegada di e patruya na hospital a bin compronde cu un persona mes riba su mesun forza a yega tur na sanger den e vehiculo Hyundai Santa Fe A43870 cual e vehiculo ta completamente na sanger. Polis mes despues di varios intento pa comunica cu e victima a logra haya sa cu esaki lo a sosode na un cas na J.G. Emanstraat y despues di esaki e mes riba su mesun forsa a subi auto y a core yega na hospital. Polis a tuma nota di e situacion y a tuma nota tambe di e vehiculo tur na sanger y a avisa pa asina e otro patruya di Oranjestad bay na e sitio pa asina inicia cu e investigacion. POlis a tuma nota di e cantidad di sanger plama tanto paden como pafor di e cas y hasta riba caya como tambe un botter di bebida laga atras. Tanto recherche di distrito 1 como tambe e investigadornan technico y forensyco di polis a ser solicita na e sitio pa e investigacion. Te na e momentonan aki ainda no tin un detencion pero recherchenan ya caba ta riba un pista y un momento of otro lo bay lanta e sospechoso responsable pa e acto aki si acaso e mes no presenta na un di e wardanan di polis. Nos lo sigui informa…….

Share:

Leave a Reply

Your email address will not be published.