ATCO a entrega comprobante na Husticia cu Minister ta gaña pa influencia opinion publico

ORANJESTAD – E compania ATCO a entrega e comprobantenan na Ministerio Publico pa demostra cu Minister Otmar Oduber ta purba intimida y influencia opinion publico cu mentira. Oduber lo ta acusa MetaCorp y miembro di Fraccion di MEP den Parlamento, Daphne Lejuez, di ‘omkoperij’ pasobra Oduber no ta haña su kier den Parlamento pa e pasa su ley di Serlimar y ta purba intimida Sra. Lejuez pa haña su voto.

No ta importa Minister Otmar Oduber

No ta importa Minister Oduber un bledo cu e ta inventa cos y asina gaña Ministerio Publico. Oduber kier basa su acusacion riba e hecho cu ATCO a contrata Caribmedia, di e casa di Sra. Lejuez pa brinda servicio di Web-Hosting durante e ultimo 10 añanan pa un suma insignificante. Pues manera e compania ta mustra, tur e acusacionnan y insinuacionnan ta sin base y den un ansha desespera pa haña opinion publico na su banda, pa purba pasa e ley di Serlimar, cu den dos instante caba a wordo para. Gran mayoria di pueblo y gremionan ta contra e ley di Minister Otmar Oduber.

Mirando cu tin tanto rumor den seno politico, lo ta bon pa aclaria varios otro rumor tambe coriendo for di algun tempo caba relaciona cu decisionnan cu por crea un percepcion di conflicto di interes.

Probechando e discucion publico kier puntra Minister Otmar Oduber:• Informa pueblo si ta berdad cu e compania cu a haña e trabou na Sero Tijshi sin un destaho publico, ta mesun compania cu ta sponsor Minister Otmar Oduber su trailer di Carnaval?• Informa pueblo cuanto a paga e sponsor na 2019 pa e trabou na Sero Tijshi?• Informa pueblo ken a gana e bid di Parkietenbos y informa pueblo si ta un main sponsor di Minister durante carnaval?• Informa pueblo cua ta e compania cu a pone tur e signnan riba truck nobo di Serlimar y si ta compania di Minister su amigo intimo, Ralph Maduro, esta Printshop?• Ta berdad cu inicialmente a duna e trabou na un otro compania y cu esaki a wordo kita pa duna su amigo intimo e trabou aki?• Cuanto a paga amigo pa e signs?• Informa pueblo si e lease di trucknan nobo pa Serlimar a bay pa un amigo sponsor di Minister den carnaval? • Informa pueblo cuanto e lease di trucknan nobo ta costa y cua ta e compania cu ta e main sponsor di Minister cu a haña e contract aki? Y cua compania cu ta main sponsor a sostene henter e financiamento di e “lease”? 

Share:

Leave a Reply

Your email address will not be published.