![](https://www.awe24.com/wp-content/uploads/2019/10/14F2AA77-3FBE-4F56-8FB0-10E16CC62220-668x334.jpeg?v=1572358393)
Dialuna anochi a drenta informe di un accidente cu hende herida panort di e rotonde di Santa Helena, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a alcansa un dama cruzando riba zebrapad. Recientemente a haci cambionan riba e caminda ey halando e caminda mas pabao pero e palo di lus mes a keda full pariba cual esaki ta conduci na falta di illuminacion. Na yegada di e ambulans nan a atende e victima cu a resulta levemente herida y a transporte pa hospital.