Relaciona cu investigacion internacional, entrada hudicial na un negoshi na Mahuma y na cas di comerciante

Diamars mainta trempan autoridadnan a presenta na un oficina di un compania di construccion situa na Mahuma enconnexcion cu un investigacion internacional tumando lugar. Varios polis combina di RST , landsrecherche y tambe polis a bin hasi un entrada na e oficina unda nan a drenta y a confisca varios documento y computer. Tambe nan a bai na otro adres aki na Aruba. Aki un rato nos lo tin mas informacion pa boso.

Mainta trempan autoridad a drenta sigur dos propiedad di famia Van Kessel. Nan ta famia conoci tambe den e area di construccion. Fiscal na Wayaca a bisa cu ta un investigacion internacional y cu esaki no tin nada di haber cu e negoshi mes na Aruba. Probablemente un di e familiarnan lo ta wordo investiga y pesey a drenta e propiedad. Na e werkplaats na Wayaca e Team Special cu hulandesnan a drenta hunto cu autoridad local. A mira presencia di unidad di K-9 tambe y e Hulandesnan cu varios V-Wagen. Tambe na Bubali na e cas grandi di Famia Van Kessel nan a drenta. A mira cu na ambos entrada hudicial a confisca basta aparato y material. A mira cu autoridad a sali cu computer bou di brasa y ta aparatonan confisca pa wordo investiga. Lo keda pendiente pa mira si Ministerio Publico mes lo duna algun informacion extra rond di e caso aki.

Share:

Leave a Reply

Your email address will not be published.