Polisnan a guli asina hopi huma combatiendo un candela di cas na Village, te cu ambulans mester a hiba nan Centro Medico pa atencion

Diabierna marduga a drenta informe di un cas na candela na Village den Caya St. Eustatius, mesora a dirigi patruya na e sitio. Na yegada di e patruya na e sitio enberdad a bin encontra cu un candela cu tabata menasando un cas. Aki un fusebox a pega na candela y a cuminsa kima un mata pega cu e cas. Mientras cu a pidi presencia di bombero polisnan mes a cuminsa combati e candela cu un slang cu ayudo di bisiña. Agentenan policial mes a logra domina e candela completo pero a guli hopi huma y esaki a cuminsa afecta nan salud. A pidi presencia di ambulans pa por atende cu nan. Ambulans a bini na e sitio y a transporta 2 agente policial cu a guli hopi huma.

Share:

Leave a Reply

Your email address will not be published.