Pa algun dia caba informe ta drenta di cu tin un of mas persona ta aparece den diferente cura di e casnan na Bubali, San Miguel, Koyari y vecindario, dialuna madruga un habitante ta yama bisa cu via su sistema di camara di vigilancia e ta mira un persona desconosi ta cana den su cura di cas na Koyari sin su permiso. Mesora a dirigi un patruya na e sitio. Na yegada di e patruya porfin a logra pone man riba e posibel homber misterioso cu ta drenta cura di casnan den e area ey. Polis a detene e sospechoso y a transporte pa warda di polis pa violacion di toque de queda y violacion pa a drenta tereno priva sin permiso.

• 

• 

• 

• 

• 

• 

•