Minister di Cultura brindando sosten moral na Glenda Zavala Maduro, Glenda Maduro lo representa Aruba den e festival di Vallenato di hende muher na Valledupar, Colombia

ORANJESTAD – Diamars anochi Minister Ruiz-Maduro tabata na Stichting Rancho su centro di actividad pa asina brinda sosten na sra. Glenda Zavala Maduro cu proximamente lo representa Aruba den e festival di Vallenato di hende muher na Valledupar, Colombia.

Ta pa promer biaha cu Aruba ta haya e oportunidad pa participa den e festival. E tabata sigur un placer pa scucha Glenda interpreta e dos cantica cu elo participa cune den e festival. Den un cantica Glenda ta brinda honor na nos cantautornan di Aruba, pero confesando su namoramento na e musica di vallenato cu e soño di un dia mira nan uni.

Minister di Cultura hunto cu Minister President a pasa un rato ameno deleita pa e musica y canto di e grupo di vallenato cu a compania Glenda e anochi aki. Nos ta desea Glenda hopi exito den e festival gradiciendo Stichting Rancho pa a brinda Glenda e tarima pa su presentacion. 

Share:

Leave a Reply

Your email address will not be published.