Relaciona cu Dia di Cacho y Dia di Bestia, Petit Comité di e Plan Nacional cu ta atende cu e problematica di cacho riba caya, a organisa den luna di augustus, un concurso di pintamento pa muchanan di edad entre entre 6 y 12 aña (scol basico). Petit Comité a ricibi 409 pintura di 29 diferente scol unda por a admira hopi talento den nos muchanan. Esnan cu a participa por a scoge den tres tema pa ilustra: (1) cacho den cura, (2) cacho na “leash” (3) cacho na veterinario.
Dia 4 di October, 10 mucha a ricibi nan premio di e concurso di pintamento y dialuna 28 di october e muchanan cu tawata cu vakantie a ricibi nan premionan for di Petit Comité hunto cu Prome Minister Evelyn Wever-Croes. E ta trata di e ganadora pa Cacho den Cura categoria 6-8 aña: Ashwary Haniff cu tin 7 aña y e ganador Pa Cacho na Leash categoria 9-10 aña: Amir Angela cu tin 10 aña.
Petit Comité ta contento cu a traves di creatividad di nan arte, puntonan importante di Ley di Cacho a wordo treci dilanti.
Un danki ta bay na Special Projects Aruba, tur MFA, Bestial, tur radio emisora y tur otro persona cu a yuda haci esaki posibel.
