![](https://www.awe24.com/wp-content/uploads/2020/11/A4B8DA6F-6B5D-46C8-88F6-7A3A6AE44EF2-668x334.jpeg?v=1604227790)
Diasabra anochi a drenta informe di un accidente cu hende herida na e cruzada Weststraat/Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e Nissan Versa biniendo for di zuid den Weststraat no a duna preferencia na e truck bayendo pabao den Prof. Lorentzstraat y e truck a dal e auto mand’e subivacera bay dal riba un otro auto staciona. E impacto tabata basta fuerte y e dama chauffeur a resulta herida y tabata keha di masha hopi dolor di cabez. Na yegada di e ambulans nan a atende e victima.