Cosecha su programa creativo den November

ORANJESTAD, ARUBA (07 di november, 2020) – Cosecha ta kedaofrece actividadnan creativo den e delaster lunanan di aña. Pa por juda balansa e dianan hectico y stimula creatividad en general, Cosecha taofrece workshops creativo como tambe opcionan pa loke ta trata D.I.Y. (“Do-it-yourself”). Cosecha ta ofrece opcionan na su Centro Creativo na San Nicolas, online of na localidad pafor di Cosecha. Ta importante pa sa cu durante e actividadnan creativonan na San Nicolas tur precuacion di higiena y seguridad lo wordo tuma en conexion cuCovid-19. 

Diasabra 28 di novemberGloria Filiciana ta finalisa su prome lineadi workshops di joyas na Cosecha. E la cuminsa den september cu e cadena y a sigui den october cu e armband. E participantenan lo siña e tecnica di wire-wrapping y ta incorpora un seaglass den dje. Den lunadi november lo traha renchi di orea cu e mesun tecnica. E workshop lo tuma lugar di 10.00am – 11.30am. Edad pa por participa ta 14 aña bai ariba y e prijs pa por participa ta AWG 50.00 y ta inclui material y un bebida refrescante.

Cosecha San Nicolas ta habri riba diabierna y diasabra den luna di november. Riba e dianan aki, ta ofrece e oportunidad pa pinta bo“tote bag”. Door cu e ta un D.I.Y. (“Do-it-yourself”) bo mes por trahay pinta bo diseño, pero personal di Cosecha tambe ta presente pa asistiden crea un diseño si ta necesario. 

No mester reserva, por walk-in y hasi bo D.I.Y. Oportunidad pa hasiun D.I.Y. ta entre 12.30pm y 6.30pm ora e tienda ta habri. D.I.Y. ta un actividad creativo por ehempel pa muchanan, pa grupo di famia ofamigonan.

Tambe por pasa Cosecha Oranjestad y San Nicolas pa por cumpra e D.I.Y aki pa traha riba dje na bo cas mes. E ta inclui e tas, verf y ejemplo pa diseña e tas. E prijs pa un D.I.Y. ta AWG 15.00 y ta incluimaterial.

D.I.Y. pakete di Mosaic pa hasi na casE luna aki MervelineGeerman ta ofrece e D.I.Y. pakete di pauwies via Cosecha. E paketenan aki por bestel na Cosecha pa por traha e piesa di Mosaic nacas. Na e manera aki Cosecha kier ofrece un alternativa na esunan cuta prefera di ta creativo na cas. Nos a cuminsa cu e linea di Mosaic di Merveline den september, unda cu despues di e gay y e galiña naoctober nos ta sigui cu e pauwies. Por bestel e pakete di pauwies no mas tarda cu diasabra 5 di december y por busca esaki diasabra 12 di december. E prijs pa un D.I.Y. pakete ta AWG 50.00 y ta incluimaterial.

Share:

Leave a Reply

Your email address will not be published.