Dialuna merdia e team di polis di barrio di distrito 1 cu tin e tarea adicional pa atende e asunto di taxi pirata tabata controlando den e area di Oranjestad. Den cercania di Pro Catedral San Francisco nan a nota con e dama chauffeur a para su Hyundai Getz A55102 pa asina un dama subi abordo fungiendo asina como taxi pirata, mesora nan a bay su tras y a logra para e auto den J.G. Emanstraat. Eynan nan a papia cu ambos dama y e pasajero cu a subi den e auto a declara cu ta paga e ta paga pa e trip y esey tabata suficiente pa detene e dama chauffeur. Nan a detene y a confisca su auto. A bin resulta cu e dama aki ta pasa bende cuminda na sitionan di unda tin trabao di contratista y na otro lugarnan cu ta pidi pa cuminda. Pues ademas di bende cuminda e lo kier fungi como taxi-pirata.
