Accidente cu impacto fuerte banda di Johnson’s Supermarket na Caya Jose Geerman

Diadomingo mainta a drenta informe di un accidente cu hende herida banda di Johnson’s Supermarket na Caya Jose Geerman, mesora a dirigin tanto polis como ambulans na e sitio. Na yegada di e patruya a bin compronde cu aki ta trata di un accidente unda un Nissan Sentra direccion pariba den Caya Jose Geerman a dal den un Toyota Yaris cu tabata saliendo for di Caribenstraat cu ta keda pariba di e Supermercado y nan a dal den otro. E chauffeur cu e Sentra tabata bin cu velocidad hopi halto den un area habita. E chauffeur di e Yaris a calcula malo e velocidad halto di e Sentra. E impacto tabata fuerte. E chauffeur cu e Nissan Sentra a lastra un brake hopi largo y dal duro den banda di e Yaris. E daño material y e marca di brake ta confirma con duro e Sentra tabata riba caminda.  E Yaris ta RHD y esey a scapa cu e chauffeur no a haya e sla den su banda. El a sali ileso.

Mientrastanto e pasahero sinta den e Sentra si a keda herida. Ambulance a presenta y asina nan a transporta e victima masculino pa Hospital. Polis di trafico a presenta pa asina haci investigacion. Ambos auto mester a ser movi cu takelwagen despues di e impacto mirando e daño cu a keda atras.

Share:

Leave a Reply

Your email address will not be published.