Polis a detene chauffeur bebi causando peliger riba caminda

Algo prome cu 11or di anochi, un chauffeur cu un Nissan March Tabata sigui un Toyota Yaris shinishi cu tabata core hopi malo riba caminda. Den e auto segun e yamada tabata tin tambe dos mucha. E forma di cora tabata formando peliger pa trafico. Despues di basta rato polisnan a changa e Yaris net pariba di Palm Beach Plaza. Mesora a bay atende cu e homber y a nota cu e ta bou influencia di alcohol. E persona aki a dal auto den un parkeerplaats y a bringa  cu un security tambe na Marriott segun informacion. Despues a sigui su caminda y na Palm Beach Plaza Polis a pare. Polis  a atende cune y a splike kico ta e consecuencianan. A detene y pidi presencia di dogcatcher pa asina transporta e homber pa warda di Shaba. E auto cu e dos muchanan a bay warda pa asina e famia bin busca e muchanan. E homber a splica Polis cu e mes ta tata y e mes ta mama. E ta biba su so cu e muchanan pasobra e mama a bay cu otro homber. Na warda di Shaba e familiar a bin busca e muchanan.

Share:

Leave a Reply

Your email address will not be published. Required fields are marked *