Diaranzon casi mey anochi a drenta informe di un cas di hincamento na un cas na Madiki, mesora a dirigi varios patruya cu ambulans na e sitio. Na yegada di e patruya a bin compronde cu un hoben menor di edad a staka su mesun abuelo varios biaha den pecho te cu e abuelo no a reacciona mas. E hoben tabata ainda den cercania y polis a detene mesora. E abuela tambe a bira malo y polis a pidi pa ambulans pa e dama tambe. E abuelo Alex Tromp di 77 aña naci na Aruba 26 di november 1943 a fayece debi na e varios hincanan cu ela ricibi. Polis a pidi tambe pa tur autoridad competente presenta na e sitio hasta slachtofferhulp tambe. awe24.com ta extende su mas sincero palabranan di condolencia na famia di e fayecido.
