Diadomingo atardi a drenta informe di un accidente basta fuerte cu hende herida y pega den auto na Topaz, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai bayendo nort cu velocidad hopi halto no a regula su velocidad y ni a mantene distancia a bay dal tras di un Nissan March, e impacto tabata asina fuerte cu a laga 2 persona herida y pega den e March. Na yegada di e ambulans nan a cuminsa atende e personanan y na yegada di e equipo di rescate di bombero nan presencia no tabata necesario mas ya cu a logra habri e porta di auto. Na momento cu e personal di ambulans tabata bayendo cu 2 victima pa hospital e chauffeur di e otro auto a cuminsa sinti dolor na su nek y e tambe a ser atendi pa ambulans.
