Mundo baho di narcotrafico ta haya un otro sla polis a descubri centro di benta di droga (drive-thru) den Spechtstraat y vecindario, despues di a detene 2 sospechoso banda di Bar-A-Bar

Project Team Drugspanden cu 2 detencion na altura di Bar A Bar.

Diamars pa mas o menos 1.55 pm e team atento di Project Team Drugspanden a pasa banda di Bar A Bar situa den Driemasterstraat. Ora cu e dos hombernan para dilanti dicho bar a wak cu ta polis nan a hasi maniobranan straño y coleganan di dicho team a disidi di bay over na controla e dos hombernan. Den nan poder a bin encontra basta marihuana y cocaina. E team a detene e dos hombernan respectivamente di inisialnan C.A.P.R. Di 34 aña y M.J de C. di 22 aña pa pocesion di droga. Consecuentemente a hasi un entrada hudicial na un cas na Spechtstraat caminda tambe a confisca mas o menos 1 kilo di marihuana.
E dos sospechosonan a wordo hiba dilanti un sub fiscal y ariba su ordo nan a keda sera pendiente di mas investigacion.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.

Share:

Leave a Reply

Your email address will not be published.