Diasabra anochi a drenta informe di un accidente basta serio pabao di e rotonde Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu e vehiculo su so cu su so a perde control dal memey di e rotonde Pos Chikito bay halto bula te otro banda bolter dal contra e vangrail bolter varios buelta y bay caba den mondi na banda. Den e boltermento e chauffeur a ser saca for di e auto y ela keda benta eybao herida. Polis a pidi pa ambulans cu urgencia. Na yegada di e ambulans nan a atende e victima y a transporte pa hospital cu urgencia.
