Security di Save More saliendo tras di un shoplifter a pidi polis cu tabata pasando pa bay tras di e sospechoso den e auto.

E shoplifter a horta producto core sali bay sin paga, polis a gar’e banda di Fung Shung

Diamars atardi un patruya pasando dilanti di Save More na Boegoeroei a ser para pa un security di e lugar bisando polis pa para e auto Kia Cerato A35791 cu a caba di sali di eynan bayendo pabao, mesora e patruya a bay su tras y a logra par’e pariba di Fung Shung Bar restaurant. Aparentemente e lo a horta algun comestibles y a sali sin paga. Polis a pidi e chauffeur pa subi den e patruya pa asina bay atende e asunto na e supermercado. Polis a lock e auto di e sospechoso y a bay na e supermercado cu e sospechoso. Ayanan a logra haya sa cu ela sali cu algun comestibles pero no a hay’e cu nada. Riba e caminda poco pabao ora e sospechoso a bira bay nort polisnan a bin haya algun producto y a tuma esakinan pa investigacion. Probablemente ela mira polis su tras y a deshaci su mes di e evidencianan ey tirando esakinan den e mondi net despues di e birada. Polis a detene e sospechoso y a hib’e na warda di polis na Shaba pa ladronicia.

Share:

Leave a Reply

Your email address will not be published.