Diasabra anochi a drenta informe di cu tin un auto riba e caminda di Tanki Leendert ta blo core y baha caminda, mesora a alerta patruyanan riba caya pa e vehiculo Chevrolet Optra preto. Na altura di Cayena Mall polis a logra para e auto y a nota cu aki ta trata di un homber di edad cu ta un poco bebi. Polis a para e auto banda di caminda y a duna e chauffeur un prohibicion pa core auto pa 8 ora y a hib’e na su cas ey mes no mucho leu.
