![](https://www.awe24.com/wp-content/uploads/2019/11/309dd055-ab6c-46ac-8b03-b10524e6376e-668x334.jpg)
Diasabra mainta a drenta informe di un accidente cu hende herida na Driemasterstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur hoben lo a pega soño y a baha caminda subi acera y a bay dal basta duro riba un mata canto di caminda. E impacto tabata asina fuerte te cu e chauffeur a resulta herida y tabata keha di dolor. Na yegada di e ambulans nan a atende e hoben chauffeur y a transporte pa hospital.