2 Homber ta pleita na pompstation y na final polis ta confisca auto sin number y sin papelnan na ordo

Diaranzon mainta a drenta informe di cu tin un pleitamento formal na e pompstation na Oranjestad, mesora a dirigi un patruya na e sitio. Na yegada di e patruya ya e pleitamento a stop pero insultonan a sigui cay vice versa. Polis mester a interveni den tur e insultonan entre e partidonan mientras tanto polis ta nota cu un di e partidonan ta un persona conosi pa polis caba na varios ocasion ademas recientemente unda cu algun siman pasa a ser agredi na Dakota. Wel e individuo aki tabata cu un auto sin number y cu no por a mustra ningun documento na ordo di e vehiculo ey. Polis a confisca e vehiculo y a bisa esunnan cu tabata cu e auto pa regla e papelnan y e number anto nan por pasa busca e auto na Balashi.

Share:

Leave a Reply

Your email address will not be published. Required fields are marked *