Accidente cu impacto fuerte y hende herida na e “Nultonde” na Seroe Patrishi

Diasabra anochi a drenta informe di un accidente na e “Nultonde” na Seroe Patrishi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Nissan March biniendo for di direccion di Tanki Leendert a yega e rotonde na Sero Patrishi pero no a drenta e banda corecto. E auto Hyundai i10 cu si tabata na su banda corecto pero no a premira cu e chauffeur lo a bin riba dje y nan a dal den otro. E impacto tabata fuerte y e dama den e Hyundai i10 lo ta kehando di hopi dolor na pecho. E testigonan eybanda a declara cu nan a wak e auto bay halto , bolter y bay para den un distancia bek riba su cuater wielnan. Na yegada di e ambulans nan a atende e dama y a transporte pa hospital. Polis a nota cu e chauffeur di e Nissan March lo por ta bou influencia di alcohol y a detene pa hib’e na warda pa pasa e test di alcohemia.

Share:

Leave a Reply

Your email address will not be published.