Persona cu a sinta bebe na un bar, kier a usa baño di otro bar pero cu e intencion pa comete destruccion.

Diadomingo mey anochi a drenta informe di cu tin un caso di destruccion na e clubhuis na cas di partido A.V.P., mesora a dirigi un patruya na e sitio. Na yegada di e patruya a bin compronde cu aki ta trata di un persona desconoci a drenta y mes ora a tuma nota cu e no ta un miembro di e Clubhouse. A nota tambe cu e no por a cana muchu bon y tabata duna tur indicacion di ta bastante bao influencia di alcohol y a comenta cu ela bin di un otro bar y tabata tin mester di usa e baño. Un rato despues a scucha desordo saliendo for di direccion di e baño. Ora a bay mira kico tabata pasando, pa nan sorpresa e persona a manda un mokete y a destrui e spiel den e baño cu intencion di sigui haci mas daño den e establecimiento. Esnan presente a yuda saca e persona aki porta afo y pidi presencia di polis pa bin atende cu ne. Polis a pidi Dogcatcher y asina a pasa over pa detene y hibe warda. A compronde cu denuncia a keda entrega.

Share:

Leave a Reply

Your email address will not be published.