Diadomingo mey anochi a drenta informe di un accidente na e bocht di Calabas, mesora a dirigi un patruya na e sitio. Na yegada di e patruya a bin compronde cu na e bocht di Calabas un auto mester a accidenta su so. Na e sitio por a mira pa medio di e marca di tire, cu e pick-up double cabin tabata bini for di Kudawecha anto net den e bocht promer cu e T-kruising di Calabas a baha links for di caminda y dal raspa su auto contra e barancanan cu tin eybanda. Polis a bin rapidamente na e sitio, investigando e accidente y finalmente a detene e chofer y a hibe warda. E pick-up mes a keda na e sitio na banda di caminda.
