Diaranson marduga a drenta informe di un caso di kiebro y intento di ladronicia den un Chevrolet Bert di Lotto para dilanti nan edificio, mesora a dirigi patruya na e sitio. Na yegada di patruya na e sitio a bin compronde di seguridad di e lugar cu nan a topa cu e anti-social cu a comete e kiebro aki, elo tabata purbando di bay cu gasolin como tambe bateria di e vehiculo aki. Manera cu e sospechoso a ripara e security ela coy careda y bandona e sitio. E security a persigui e sospechoso pero esaki a sali for di bista. Polis a buska den sercania pero no a encontra e sospechoso. Camera di seguridad di edificio di Lotto tini imagen di e incidente aki y polis tini e kiebro aki bou investigashon.
