Na Alto Vista homber a agredi muher y bandona e sitio lagande e muher herida.

Diabierna merdia a drenta informe di un caso di maltrato cu hende herida na un adres na Alto Vista, mesora a dirigi tanto polis como ambulans na e sitio. Na yegada di e patriya a bin compronde cu aki ta trata di un caso unda un homber lo a maltrata un dama y a bandona e sitio. E dama a conta polis cu su pareha a agredie y despues di a agredie a bandona e sitio, esaki a dun’e chance pa e dama core bay bati alarma na e bisiña y sconde eynan pa su mesun seguridad. Ta ora e patruya a yega e dama a bay bek na e adres. E dama tabata herida door di e maltrato, na yegada di e ambulans nan a atende e dama na e sitio mes. Polis a informa e dama pa e bay hospital pa busca un rapport medico di e lessionnan ricibi y pa despues e bay entrega keho na recherche.

Share:

Leave a Reply

Your email address will not be published. Required fields are marked *