Diahuebs anochi durante patruya despues di 9’or ora cu tur negoshi mester ta sera a nota cu tin hopi hende na Blue Moon na Tanki Leendert, mesora nan a baha atende cu e doño. A bin resulta cu tabata tin un fiesta priva andando eyden, polis a hala atencion di esun encarga y a bisa cu e negoshinan mester ta sera pa 9’or pa asina duna chance pa e hendenan yega safe nan cas prome cu 10’or ora cu e toque de queda cuminza. Nan a sera e luga y a core cu tur e hendenan na e sitio.
Ma dicon tin hende cabes duro cu no kier tende?