Diahuebs anochi durante patruya polis a bin topa cu un accidente na e cruzada pariba di parlamento, mesora nan a baha atende esaki. A bin resulta cu un chauffeur sin rijbewijs coriendo cu un Honda Fit sin seguro y cu plachi number bieuw biniendo for di pabao a bira mucho tempran y cortico na su man robez sin a duna preferencia na e Nissan Sentra cu tabata bini di pariba bayendo pabao y nan a accidenta. Afortunadamente ningun persona a resulta herida. Polis di trafico a presenta pa sigui atende cu e accidente aki.
