Dilanti hotel y turistanan 3 tipo den un Nissan Sentra a dal riba un bus di Arubus, baha agredi e chauffeur y despues a bay

Diasabra anochi a drenta informe di un bringamento riba caminda dilanti Hyatt Hotel na Palm Beach, mesora a dirigi patruyanan na e sitio. Na yegada di e patruya a bin compronde cu un Nissan Sentra cora scur a dal riba un bus di Arubus y despues e 3 tiponan cu tabata den e auto a baha bay agredi e chauffeur di e bus. Despues di a agredi e chauffeur nan a subi auto bay direccion panort den e Nissan Sentra cora number no ta conosi pero si e spiel banda di chauffeur ta kibra y falta un tapa di wiel. Un di tiponan tabata bisti cu shirt blanco y e otro shirt blauw long sleeves e di tercer sospechoso no tin su descripcion. Un otro patruya a haya un auto identico y cuadrando cu e indicacionnan duna di un flattire, falta un tapa di wiel y tambe falta e spiel banda di chauffeur staciona pazuid di Palm Beach Plaza e auto su number ta A30333. Polis aunke no a haya e 3 tiponan a haya e auto si y mesora a confisca esaki. Polis di trafico a presenta na e sitio y lo bay tras di e 3 sospechosonan aki.

Share:

Leave a Reply

Your email address will not be published.