Diamars atardi a drenta informe di un accidente na e cruzada di Palm Beach, mesora a dirigi tanto polis como ambulans na e sitio. Na yegada di e patruya a bin compornde cu aki ta trata di un accidente unda cu turistanan biniendo for di pabao den un Hyundai Accent di huur no a duna preferencia na e Kia Picanto bayendo nort. Debi na e impacto e chauffeur di e Kia Picanto a dal su pecho na e stuurwiel y tabata keha di dolor. Na yegada di e ambulans nan a atende e victima na e sitio mes.
