Polis a detene homber no mucho bon di cabez cu a menasa dama hulandes cu un cuchiu!

Diasabra merdia a drenta informe di cu un persona lo ta menasando un dama hulandes cu un cuchiu na un cas na Santa Cruz, mesora a dirigi un patruya na e sitio. Na yegada di e patruya a bin compronde cu un bisiña tabata causando problema y a menasa e dama hulandes cu un cuchiu. Entretanto e sospechoso a deshaci di e cuchiu caba. Tur cos a cuminza ora cu supuestamente e señora kier a sali cu su auto pero un auto di bisiña tabata strob’e pa sali. Ora e señora a bay puntra su bisiña pa e hala su auto, e bisiña a mustre un cuchiu y a menase. Segun algun bisiña di e mesun caya e persona ta un hende problematico y ta varios biaha caba e ta buska problema cu hopi di su otro bisiñanan. Awo cu e a wordo deteni e mag splica na warda e pakico di su actonan.


Share:

Leave a Reply

Your email address will not be published. Required fields are marked *