Historia di teatro na Aruba

Cu orguyo Biblioteca Nacional Aruba ta anuncia cu e tin un otro publicacion interesante riba su plataforma digital. Ta trata di e publicacion di sr. Wim Rutgers titula ‘Honderd jaar Arubaans toneel’. Esaki ta un publicacion cu ta duna un bista riba historia di teatro na Aruba como parti di historia di Aruba su cultura y expresionnan artistico.

Esaki ta un compilacion di un serie di articulo cu sr. Wim Rutgers a yega di publica den ‘Antilliaans dagblad’ y ‘Caribisch uitzicht’ den pasado. Ta posibel pa lesa e publicacion digital completamente gratis pa un y tur interesa den e tema aki via e link http://bna.aw/digital/?rutgers-arubaans-toneel.

Sr. Wim Rutgers ta un investigador y critico di literatura y a profundisa su mes tambe riba obranan teatral di Aruba. ‘Honderd jaar Arubaans toneel’ ta duna un bista riba e mundo di teatro, escritornan di obranan teatral, actor y actriz, gruponan cu a presenta obra di teatro y mucho mas di e ultimo siglo. Sr. Rutgers ta autor tambe di e publicacion ‘Nos biblioteca ta di oro’ cu ta trata 50 aña di historia di biblioteca publico na Aruba y e buki ‘Balans, Arubaans letterkundig leven : De periode van Autonomie en Status Aparte, 1954-2015’.

Share:

Leave a Reply

Your email address will not be published.